لنکا ٹی 10لیگ میں بھارتی مالک میچ فکسنگ میں گرفتار

لنکا ٹی 10 لیگ کی فرینچائز گال مارولز کے بھارتی مالک کو سری لنکا کی اسپورٹس پولیس نے میچ فکسنگ کے الزامات پر گرفتار کر لیا۔

غیر ملکی خبررساں ادارے کے مطابق پریم ٹھاکر کو جمعرات کے روز لنکا ٹی 10 لیگ میں پالیکیلے اسٹیڈیم میں میچ فکسنگ کرنے پر گرفتار کیا گیا۔

پریم ٹھاکر کی گرفتاری ٹیم کے ایک ویسٹ انڈین کھلاڑی کی شکایت کے بعد عمل میں آئی جس نے فرینچائز مالک کی میچ فکس کرنے کی درخواست کو مسترد کر دیا تھا۔

حکام کی جانب سے واقعے کی تحقیقات جاری ہیں۔ واقعے نے لنکا ٹی 10 کے افتتاحی ایونٹ کی ساکھ پر سوال کھڑے کر دیے ہیں۔