سعودی عرب نے امریکا سے دفاعی معاہدے کی کوششیں روک دیں

سعودی اور مغربی ذرائع کے حوالے سے غیر ملکی خبر ایجنسی کا کہنا ہے کہ سعودی عرب اب امریکا سے فوجی تعاون بڑھانے پر زور دے رہا ہے اور سعودی ولی عہد محمد بن سلمان نے کہہ دیا ہے کہ اسرائیل کو تسلیم کرنے کےلیے فلسطینی ریاست کا قیام ضروری ہے۔

امریکی حکام کا کہنا ہے کہ سعودی عرب سرکاری طور پر سیکیورٹی ضمانتیں اور جدید ہتھیاروں کا حصول چاہتا ہے اور اس سلسلے میں سعودی عرب سے بات چیت جاری ہے۔

سعودی عرب نے رواں برس کے شروع میں اسرائیل کے ساتھ معمول کے تعلقات کے بدلے امریکا سے باہمی سلامتی کے معاہدے کے حصول کی کوششیں شروع کی تھیں۔

امریکا، سعودی عرب مجوزہ دفاعی معاہدے کی ابھی امریکی سینیٹ سے بھی منظوری ہونی ہے۔