اسرائیل اور حزب اللّٰہ کے درمیان جنگ بندی معاہدے کی منظوری

اسرائیل اور حزب اللّٰہ کے درمیان لبنان میں ممکنہ جنگ بندی معاہدہ ہوگیا، اسرائیلی کابینہ نے لبنان جنگ بندی معاہدے کی منظوری دے دی۔ میڈیا رپورٹس کے مطابق اسرائیل حزب اللّٰہ جنگ بندی معاہدے کا اطلاق بدھ کی صبح سے ہونے کا امکان ہے،اسرائیلی سیکیورٹی کابینہ اجلاس کے بعد اسرائیلی وزیراعظم نیتن یاہو نے خطاب کرتے ہوئے کہا کہ اسرائیل نے حزب اللّٰہ کو دہائیوں پیچھے دھکیل دیا ہے، حزب اللّٰہ نے معاہدے کی خلاف ورزی کی تو اسے نشانہ بنائیں گے۔