زمبابوے نے پاکستان کے خلاف ون ڈے اور ٹی ٹوئنٹی اسکواڈ کا اعلان کر دیا۔ زمبابوے کرکٹ بورڈ نے پاکستان کے خلاف 15، 15 رکنی ون ڈے اور ٹی ٹوئنٹی اسکواڈ کا اعلان کیا ہے۔
ون ڈے اسکواڈ کی قیادت ارون کریگ اور ٹی ٹوئنٹی کی قیادت سکندر رضا کریں گے۔
پاکستان ٹیم آسٹریلیا سے براہ راست زمبابوے جائے گی۔ پاکستان اور زمبابوےکے درمیان تین ون ڈے اور تین ٹی ٹوئنٹی میچز کی سیریز کھیلی جائے گی۔
دونوں ٹیموں کے درمیان پہلا ون ڈے میچ 24 نومبر کو بولاوایو، دوسرا ون ڈے 26 اور آخری میچ 28 نومبر کو کھیلا جائے گا۔
پہلا ٹی ٹوئنٹی میچ یکم دسمبر، دوسرا 3 اور آخری ٹی ٹوئنٹی میچ 5 دسمبر کو کھیلا جائے گا، سیریز کے تمام میچز بولاوایو میں کھیلے جائیں گے۔
