آسٹریلیا نے پاکستان کو تیسرے ٹی ٹوئنٹی میں 7 وکٹ سے شکست دے دی۔
ہوبارٹ میں کھیلے گئے میچ میں آسٹریلیا نے 118 رنز کا ہدف باآسانی 12 ویں اوور میں 3 وکٹوں کے نقصان پر حاصل کر لیا۔
مارکس اسٹوئنس 61 رنز بنا کر ناقابلِ شکست رہے، یہ ان کی ٹی ٹوئنٹی انٹرنیشنل کیریئر کی پانچویں نصف سنچری تھی۔
آسٹریلیا کی پہلی وکٹ 16 اور دوسری وکٹ 30 رنز پر گری، میٹ شارٹ 2 اور جیک فریزر میکگرک 18 رنز بنا کر آؤٹ ہوئے۔
قومی ٹیم کے خلاف آسٹریلیا کی تیسری وکٹ 85 رنز پر گری جب آسٹریلوی کپتان جوش انگلس 27 رنز بنا کر آؤٹ ہوئے۔
پاکستان کی جانب سے شاہین شاہ آفریدی، جہانداد خان اور عباس آفریدی نے ایک ایک وکٹ حاصل کی۔
