چیمپئنز ٹرافی 2025ء: بھارت کی جگہ کون لے گا؟
سماجی رابطے کی ویب سائٹ ایکس پر آئس لینڈ کرکٹ کے آفیشل اکاؤنٹ نے اس تنازع کے حوالے سے دلچسپ پول کیا اور طنزیہ انداز میں آنے والے ٹورنامنٹ میں بھارت کی متبادل ٹیم کا نام جاننا چاہا۔
انہوں نے اس تنازع پر سوشل میڈیا صارفین کی آراء جاننے کے لیے سوال کیا کہ ’2025 کی چیمپیئنز ٹرافی میں ہندوستان کی جگہ کون سی ٹیم لے گی؟‘
آئس لینڈ کرکٹ کی جانب سے کیے گئے اس پول کے کمنٹس میں صارفین نے سری لنکا کا نام بڑی تعداد میں تجویز کیا۔
صرف یہی نہیں بلکہ دیگر شائقینِ کرکٹ کی بھی یہی خواہش ہے کہ اگر بھارت پاکستان آ کر چیمپئنز ٹرافی 2025ء نہیں کھیل سکتا تو پاکستان کو بھی نرمی دکھانے کی ضرورت نہیں ہے کہ بھارت کے بغیر ٹورنامنٹ پاکستان میں منعقد کیا جائے، اس ٹورنامنٹ کا ایک بھی میچ پاکستان سے باہر نہ کھیلا جائے۔
