ویمنز ٹی ٹوئنٹی ورلڈ کپ میں قومی ٹیم کا سفر ختم

آئی سی سی ویمنز ٹی ٹوئنٹی ورلڈ کپ میں پاکستانی ویمنز ٹیم کا گروپ سٹیج پر ہی سفر ختم ہو گیا۔

پاکستانی ویمنر کرکٹ ٹیم کل صبح وطن واپس آئے گی، کپتان فاطمہ ثناء، اومیمہ سہیل، سیدہ عروب شاہ، فیلڈنگ کوچ حنیف ملک اور ٹرینر عمران خلیل کراچی پہنچیں گے

ہیڈ کوچ محمد وسیم، ٹیم مینجر حنا منور اور عالیہ ریاض کل صبح اسلام آباد پہنچیں گے، دیگر کھلاڑیوں اور مینجمنٹ سٹاف کی فلائٹ رات کو لاہور لینڈ کرے گی۔

واضح رہے کہ پاکستانی ٹیم نے گروپ اے میں سری لنکا کے خلاف پہلے میچ میں واحد فتح حاصل کی، پاکستانی ویمنز ٹیم بھارت، آسٹریلیا اور نیوزی لینڈ سے میچ ہار کر میگا ایونٹ سے باہر ہوئی۔