حزب اللّٰہ کے قابل قدر ارکان کا قتل اُسے جھکا نہیں سکتا، ایرانی سپریم لیڈر

تہران سے جاری بیان میں آیت اللّٰہ علی خامنہ ای نے کہا کہ حزب اللّٰہ کے قابل قدر ارکان کا قتل اسے گھٹنوں پر نہیں جھکا سکتا۔

انہوں نے کہا کہ آئندہ انتخابات کےلیے امریکی انتظامیہ اسرائیل کو جنگ جیتتے ہوئے دیکھنا چاہتی ہے، واشنگٹن کھلے عام اسرائیل کی حمایت کر رہا ہے۔

ایرانی سپریم لیڈر نے مزید کہا کہ اسرائیل کو ہر طرف سے ہتھیاروں اور فنڈز کی فراہمی جاری ہے، مزاحمتی جنگجوؤں کے پاس اسرائیل کو دستیاب ہتھیاروں اور فنڈز کا دسواں حصہ بھی نہیں۔