اسرائیلی فوج کا دیرالبلح و خان یونس پر حملے،20فلسطینی شہید

اقوام متحدہ دیرالبلح سے اسرائیلی فوج کے انخلا کے حکم کے بعد غزہ کےلیے امدادی آپریشن روکنے پر مجبور ہوگیا۔ بچوں اور خواتین سمیت لاکھوں فلسطینی امدادی خوراک سے محروم ہوگئے۔

اقوام متحدہ نے اپنا امدادی آپریشن سینٹر رفح کے بعد دیرالبلح منتقل کردیا تھا۔ اسرائیل نے صرف گزشتہ 6 دن میں بےگھر فلسطینیوں کو پانچ مرتبہ انخلا کے احکامات جاری کیے۔

ایمنسٹی انٹرنیشنل نے 26 مئی کو رفح میں بےگھر فلسطینیوں کے کیمپ پر اسرائیلی حملے کی جنگی جرائم کے تحت تحقیقات کا مطالبہ کردیا۔ اس اسرائیلی حملے میں 23 فلسطینی شہید ہوگئے تھے۔