جنسی استحصال کا الزام، 2 نامور فرانسیسی فلم ڈائریکٹر گرفتار

عالمی خبر رساں ادارے کے مطابق 77 سالہ جیکٹ اور 80 سالہ ڈولن کو گزشتہ روز صبح کے وقت اپنے وکلاء کے ہمراہ پیرس کے پولیس اسٹیشن میں دیکھا گیا، عدالتی ذرائع کا کہنا ہے کہ دونوں ڈائریکٹرز کو منگل کی شام تک حراست میں رکھا جا سکتا ہے اور ممکنہ طور پر ان پر الزام لگانے والوں کی موجودگی میں ان سے پوچھ گچھ کی جا سکتی ہے۔

52 سالہ اداکارہ اور ہدایت کار جوڈتھ گوڈریچے نے رواں سال کے اوائل میں باضابطہ طور پر جیکوٹ پر ریپ اور ڈولن پر جنسی زیادتی کا الزام عائد کیا تھا، کئی دیگر اداکاروں نے بھی دونوں ملزمان کے خلاف شکایت درج کرائی ہے، 41 سالہ اسلڈ لی بیسکو نے الزام عائد کیا ہے کہ 1998 سے 2007 کے درمیان جیکوٹ نے اس کے ساتھ جنسی زیادتی کی تھی جس کا آغاز اس وقت ہوا تھا جب وہ 16 سال کی تھی۔

واضح رہے کہ اس معاملے سے جڑے ایک قریبی ذرائع نے بتایا کہ 34 سالہ اداکارہ جولیا رائے نے ان پر تشدد اور جنسی استحصال کا الزام عائد کیا ہے جو کئی سالوں تک جاری رہا۔