ٹینس اسٹار ثانیہ مرزا کس سے شادی کرنے جا رہی ہیں؟

ثانیہ مرزا کے والد نے رواں سال کے آغاز میں اپنی بیٹی کی شعیب ملک سے طلاق کی تصدیق کی تھی۔

جس کے بعد اچانک شعیب ملک کے اداکارہ ثناء جاوید کے ساتھ سوشل میڈیا پر شادی کا اعلان سامنے آیا تھا

اور سوشل میڈیا پر تصاویر اور ویڈیوز وائرل ہوئی تھیں۔ثانیہ اور شعیب کے درمیان فروری میں ہونے والی طلاق کے 4 ماہ کے بعد اب متعدد بھارتی ویب سائٹ کی جانب سے دعویٰ کیا جا رہا ہے کہ ثانیہ جَلد ہی بھارتی بولر، محمد شامی سے شادی کرنے والی ہیں اور یہ شادی ممکنہ طور پر اگست میں ہو گی۔

واضح رہے کہ اس سے پہلے بھی ان دونوں کی شادی کے حوالے سے خبریں سامنے آ چکی ہیں تاہم بعد ازاں تردید بھی آگئی تھی۔

یاد رہے کہ بھارتی کرکٹر محمد شامی اپنی پہلی اہلیہ حسین جہاں کو طلاق دے چکے ہیں

جون 2018ء میں طلاق سے قبل حسین جہاں نے شامی پر الزام لگایا تھا کہ وہ انہیں طلاق دے کر اپنے بڑے بھائی کی سالی سے شادی کرنا چاہتے ہیں۔