امریکا کا بھارت کو جیت 111 رنز کا ہدف

گروپ اے کی دونوں ٹیمیں نیویارک کے نساؤ کاؤنٹی انٹرنیشنل کرکٹ اسٹیڈیم میں مدمقابل ہیں۔ بھارتی ٹیم کے کپتان روہت شرما نے ٹاس جیت کر فیلڈنگ کا فیصلہ کیا تھا۔

امریکا نے پہلے کھیلتے ہوئے 20 اوورز میں 8 وکٹوں کے نقصان پر 110 رنز بنائے۔  نتیش کمار 27، اسٹیون ٹیلر 24، کورے اینڈرسن 15، ایرون جونز 11 رنز کے ساتھ نمایاں رہے۔

ہرمیت سنگھ 10، جسدیپ سنگھ 2، اینڈریس غوث 2 اور شایان جہانگیر صفر پر آؤٹ ہوئے۔

بھارت کی طرف سے ارشدیپ سنگھ نے 4، ہارڈک پانڈیا نے 2 اور اکثر پٹیل نے ایک وکٹ حاصل کی۔

واضح رہے کہ دونوں ٹیمیں ٹورنامنٹ میں دو، دو میچز جیت چکی ہیں اور آج اپنا تیسرا میچ کھیل رہی ہیں، آج کا میچ جیتنے والی ٹیم سپر ایٹ کیلئے کوالیفائی کرجائے گی۔