پاک بھارت ٹاکرا،عمادوسیم کی شرکت مشکوک

بتایا جا رہا ہے کہ عماد وسیم پسلیوں کی تکلیف سے صحتیاب نہیں ہوسکے جس کی وجہ سے میچ میں ان کی شرکت مشکوک قرار دی جا رہی ہے۔

رپورٹ کے مطابق عماد وسیم کو جلد ٹھیک کرنے اور بڑے میچ میں ان کی شرکت کو یقینی بنانے کیلئے انہیں پین کلردیئے جا رہے ہیں۔

کھلاڑی کے ان فٹ ہونے پرانہیں ملک سے باہربھیجے جانے کا بھی امکان ظاہر کیا جا رہا ہے۔

ذرائع کا کہنا ہے کہ ٹیم میں عماد وسیم کے متبادل کے طور پر سپنر مہران ممتاز کو شامل کرنے پر غور جاری ہے۔