افغانستان: مسلح افراد کا مسجد پر حملہ، 6 افراد شہید

افغانستان کے صوبے ہرات میں مسلح افراد نے مسجد پر حملہ کردیا جس کے نتیجے میں 6 افراد شہید ہوگئے۔
افغانستان کے صوبائی دفتر سے جاری ہونے والی تفصیلات کے مطابق مسجد پر حملہ گزشتہ روز (پیر) کی شام ہوا، حملے میں 6 افراد شہید ہوئے، شہید ہونے والوں میں ایک خاتون اور ایک بچہ بھی شامل ہے۔
دوسری جانب غیر ملکی میڈیا کے مطابق مسجد کے امام بھی اس حملے میں شہید ہوئے جب کہ اس حملے کی کسی گروپ نے ذمہ داری قبول نہیں کی، رپورٹس میں بتایا جا رہا ہے کہ کابل میں ایرانی سفارت خانے کی جانب سے حملے کی مذمت کی گئی ہے۔