پاک نیوزی لینڈ سیریز،پہلا ٹی20 میچ بارش کی نذر ہوگیا

پاک نیوزی لینڈ ٹی ٹوئنٹی سیریز کا پہلا ٹی 20 میچ بارش کی نذر ہو گیا۔

پاکستان اور نیوزی لینڈ کے درمیان میچ بارش کے باعث بغیر نتیجہ ختم کر دیا گیا، بارش کے باعث پاکستان اور نیوزی لینڈ کے درمیان میچ میں صرف دو گیندوں کا کھیل ہوسکا جس میں شاہین آفریدی نے نیوزی لینڈ کے اوپنر ٹم روبنسن کی وکٹ حاصل کرلی۔

قبل ازیں میچ کا ٹاس بھی بارش کے باعث آدھا گھنٹہ تاخیر سے ہوا تھا، نیوزی لینڈ نے ٹاس جیت کر پہلے بیٹنگ کا فیصلہ کیا تھا ، ٹی 20 سیریز کا دوسرا میچ 20اپریل کو راولپنڈی میں ہی کھیلا جائے گا۔