اسرائیل نے زیر حراست 150 فلسطینی قیدی رہا کر دیئے

غزہ کراسنگ اتھارٹی کے ترجمان نے بتایا ہے کہ فلسطینی قیدیوں سے بدسلوکی کی گئی ہے، رہائی پانے والے قیدیوں کو علاج کے لئے ابو یوسف النجار ہسپتال منتقل کر دیا گیا ہے۔

دوسری جانب اسرائیلی فوج نے قیدیوں کی رہائی پر کوئی بیان جاری نہیں کیا تاہم واضح کیا ہے کہ زیر حراست افراد سے کوئی بدسلوکی نہیں کی جاتی، اسرائیلی فوج کی جانب سے جاری بیان میں کہا گیا ہے کہ ایسے تمام قیدی جو دہشت گردی میں ملوث نہیں تھے انہیں غزہ میں واپس چھوڑ دیا گیا ہے۔

امریکی قومی سلامتی کونسل کے مشیر جان کربی کا کہنا ہے کہ نیا معاہدہ میز پر رکھا ہے، اس معاہدے میں کچھ قیدیوں کی رہائی، لڑائی روکنا اور غزہ کو مزید انسانی امداد فراہم کرنا شامل ہے۔