افغانستان میں لفظ ’’پارٹی‘‘ کا استعمال جرم قرار دے دیا گیا

غیرملکی میڈیا کے مطابق افغان وزارت انصاف نے اعلان کیا ہے کہ ملک میں لفظ پارٹی کا استعمال جرم ہے۔ قائم مقام وزیر انصاف عبدالحکیم شرعی نے پریس کانفرنس میں کہا کہ افغانستان میں سیاسی جماعتوں پر پابندی ہے اور پارٹی کا لفظ استعمال کرنا بھی طالبان قانون کے تحت جرم ہے۔

انہوں نے کہا کہ یہ لفظ وزارت انصاف کے تحت گزشتہ برس ہی غیر قانونی قراردیا گیا تھا، پارٹیوں کی اس نظام میں کوئی جگہ نہیں ہے۔انہوں نے کہا کہ قانونی اعتبار سے سیاسی جماعت یا حزب کا نام لینا جرم ہے، جب فتح آئی تو جس کو نظام اچھا لگا تو رک گیا جسے پسند نہیں آیا وہ مختلف راستوں سے نکل گیا۔