بھارت:نئی دہلی کے گرفتار وزیراعلیٰ کو عدالت میں پیش کردیا گیا

بھارتی دارالحکومت نئی دہلی کے گرفتار وزیراعلیٰ اروند کیجریوال کو عدالت میں پیش کردیا گیا۔

انفورسمنٹ ڈائریکٹوریٹ کی جانب سے کیجریوال کی 10 روزہ کسٹڈی مانگے جانے کا امکان ہے، دوسری جانب وزیراعلیٰ کیجریوال نے اپنی گرفتاری کیخلاف سپریم کورٹ میں دائر درخواست واپس لے لی۔

شراب پالیسی سے متعلق منی لانڈرنگ کے الزام میں گرفتار کیجریوال نے انفورسمنٹ ڈائریکٹوریٹ کے لاک اپ میں رات گزاری۔

بھارتی میڈیا کا کہنا ہے کہ کیجریوال کی گرفتاری پر عام آدمی پارٹی نے احتجاج کرتے ہوئے اپوزیشن بلاک سمیت بھارت بھر کو احتجاج میں شمولیت کی دعوت دی ہے۔