ایمازون کے بانی دنیا کے امیر ترین شخص بن گئے

بلومبرگ بلینرز انڈیکس نے سال 2024ء کے حوالے امیر ترین افراد کی رپورٹ جاری کردی۔

بلومبرگ بلینرز انڈیکس کی رپورٹ کے مطابق ایمازون کے بانی جیف بیزوز ایک بار پھر دنیا کے امیر ترین شخص بن گئے، جیف بیزوز کی دولت میں رواں سال کے پہلے 2 ماہ میں 23 بلین ڈالر کا اضافہ ہوا، جیف بیزوز کی مجموعی دولت 200 بلین ڈالر ہوگئی ہے۔

رپورٹ میں بتایا گیا جیف بیزوز کی دولت ٹیسلا کے سربراہ کی دولت سے 2 بلین ڈالر زیادہ ہے، ایلون مسک کو 2024ء کے 2 ماہ میں تقریباً 31 بلین ڈالر کا نقصان ہو چکا ہے۔

بھارتی ارب پتی مکیش امبانی 115 ارب ڈالر کی دولت کے ساتھ فہرست میں گیارہویں نمبر پر ہیں۔