خیبر پختونخوا اسمبلی کے ڈپٹی اسپیکر کےلیے ثریا بی بی کا نام فائنل کرلیا گیا۔
پشاور سے پی ٹی آئی کے ذرائع کے مطابق بانی پی ٹی آئی چاہتے ہیں خاتون کو ڈپٹی اسپیکر کا عہدہ دیا جائے۔ ثریا بی بی پی کے ون چترال سے جنرل نشست پر کامیاب ہوئیں۔
ثریا بی بی تحریک انصاف مالاکنڈ خواتین ونگ کی نائب صدر اور سوشل ورکر بھی ہیں۔ ثریا بی بی نے عمرانیات میں ماسٹر کی ڈگری حاصل کر رکھی ہے۔
اس سے پہلے مہر تاج روغانی بھی ڈپٹی اسپیکر خیبر پختونخوا اسمبلی رہ چکی ہیں۔
