متعلقہ اداروں کی غفلت سے ایبٹ آباد کچرے کا ڈھیر بن گیا

ایبٹ آباد میں ہائیکورٹ کے احکامات پر سلہڈ میں فلتھ ڈپو ختم کرنے کے بعد دھمتوڑ کچرا کنڈی پر بھی عدالتی حکم امتناعی کے بعد شہر کچرا کنڈی کی شکل اختیار کر چکا ہے۔مختلف مقامات پر کچرا کنڈیوں میں گندگی جمع ہونے اور تعفن پیدا ہونے کی وجہ سے گزرنا بھی محال ہے اور اہم مقامات پر ٹریفک کی روانی میں بھی خلل پیدا ہو رہا ہے ۔

لنک روڈ ،بندکھوہ ،ڈی ایچ کیو ہسپتال سے ملحقہ اور بازار میں گندگی کے انبار لگے ہوئے ہیں ۔جس سے طرح طرح کی بیماریاں پھیلنے کا خدشہ ہے۔قدرتی نظاروں سے مالامال ایبٹ آباد میں انتظامی غفلت کے نتیجہ میں دن بدن مسائل میں اضافہ ہو رہا ہے۔شہریوں نے اعلی حکام سے مطالبہ کیا ہے کہ وہ اس معاملے پر سنجیدگی سے نوٹس لیں۔