بھارتی اپوزیشن نے پلوامہ ڈرامے پر مودی سرکار کو آڑے ہاتھوں لے لیا

واضح رہے کہ بھارت کی جانب سے رچائے گئےپلوامہ ڈرامے کو 5 سال مکمل ہو چکے ہیں. اس حوالے سے اپوزیشن رہنماؤں کا مزید کہنا تھا کہ 14 فروری 2019 کو پلوامہ خودکش حملے میں 40 بھارتی فوجی مارے جانے پر مودی سرکار نے الزام پاکستان کے سر تھوپ دیا تھا، اور اس کے بعد بھی جھوٹ پر جھوٹ بول کر ڈرامائی منظر نامہ پیش کیا گیا۔ اس کے ساتھ ساتھ مودی سرکار نے روایتی ہٹ دھرمی کا مظاہرہ کرتے ہوئے حقیقت کا اعتراف کرنے کے بجائے پاکستان کا ایف16 طیارہ مار گرانے کا جھوٹا دعویٰ بھی مودی کیا۔

اپوزیشن کا کہنا ہے کہ جب خود کش حملہ اور دھماکہ خیز مواد مقامی ہے تو حملے کا الزام پاکستان پر کیسے لگایا جا سکتا ہے؟ یہ بھی اہم سوال ہے کہ دھماکہ خیز مواد پاکستان سے پلوامہ تک 8 لاکھ بھارتی فوج کے ناک کے نیچے سے کیسے اسمگل ہو گیا؟ مودی سرکار 350 پاکستانی شہریوں کو ہلاک کرنے کے دعوے کا ثبوت فراہم کرنے میں کیوں ناکام رہی؟

اسی طرح پاکستان ماضی میں بھی کئی بھارتی فالس فلیگ آپریشن کے منصوبوں کو بے نقاب کر چکا ہے، 16 جنوری 2021 کو دی وائر کی رپورٹ میں ارناب گوسوامی کی لیک واٹس ایپ چیٹ کے مطابق پلوامہ حملہ مودی سرکار کا سیاسی فائدہ حاصل کرنے کا ڈرامہ تھا۔ ستیہ پال ملک کا کہنا ہے کہ مودی سرکار پلوامہ حملے کا الزام پاکستان پر لگا کر اپنی حکومت اور بی جے پی کو فائدہ پہنچانے کے لیے استعمال کرے گی، کیا مودی سرکار آنے والے انتخابات کے لیے دوبارہ سرجیکل اسٹرائیک جیسے ڈرامے کا سہارا لے گی۔

Indian opposition attacked the Modi government over the Pulwama drama