پشاور زلمی نے ملتان سلطانز کو دلچسپ میچ میں 5 رنز سے ہرا دیا

پشاور زلمی کے 180 رنز کے ہدف کے تعاقب میں اب تک کی ناقابل شکست ملتان سلطانز کی ٹیم 174 رنز پر آؤٹ ہوگئی، اس فتح کے ساتھ بابر اعظم الیون نے ایونٹ میں فتح کا مزہ چکھ لیا۔

ملتان کے ڈیوڈ ملان نے 52 اور یاسر خان نے 43 رنز کی نمایاں باری کھیلی جبکہ ریز ہنریکس نے 28 رنز بنائے۔

شاداب خان کے اعتراض پر ڈی آر ایس سسٹم کی غلطی تسلیم کرلی گئی

کپتان محمد رضوان صفر، خوشدل شاہ 5، افتخار احمد 16، اُسامہ میر 12، ڈیوڈ ویلی صفر، عباس آفریدی 11 اور شاہنواز دھانی صفر رنز بناکر پویلین لوٹے۔

پشاور زلمی کے عارف ایوب نے 3، سلمان ارشاد، نوین الحق اور لیک ووڈ نے 2، 2 کھلاڑیوں کو پویلین کی راہ دکھائی جبکہ ایک پاول والٹر نے 1 وکٹ اپنے نام کی۔

اس سے قبل پشاور زلمی نے مقررہ 20 اوورز میں 8 وکٹ پر 179 رنز بنائے اور میزبان ٹیم کےلیے 180 رنز کا ہدف سیٹ کیا تھا۔

پشاور زلمی کی طرف سے حسیب اللّٰہ نے 37، بابر اعظم نے 31، رومین پاول نے 23، محمد حارث نے 19 اور آصف علی نے 13 کی اننگز کھیلی تھی جبکہ لیوک ووڈ 17 رنز کے ساتھ ناقابل شکست رہے تھے۔

ملتان کی طرف سے ڈیوڈ ویلی، محمد علی اور اسامہ میر نے 2- 2 شاہنواز دھانی اور عباس آفریدی نے 1-1 وکٹ اپنے نام کی تھیں۔