نئی حکومت کی تشکیل پاکستان کا اندرونی معاملہ ہے، امریکا

امریکا نے کہا ہے کہ نئی حکومت کی تشکیل پاکستان کا اندرونی معاملہ ہے، پاکستان کے اندرونی معاملات میں نہیں پڑنا چاہتے۔

ترجمان امریکی محکمہ خارجہ میتھیو ملر نے کہا کہ پاکستان میں انتخابات میں مداخلت یا فراڈ کے دعوؤں کی مکمل اور شفاف تحقیقات ہونی چاہیئے۔

ان کا مزید کہنا تھا کہ یہ تحقیقات پاکستان کے اپنے قوانین اور طریقہ کار کے مطابق ہونی چاہیے۔

ترجمان امریکی محکمہ خارجہ کے مطابق جب مداخلت کے کسی بھی دعوے یا الزام کی بات آتی ہے تو ہم اس کی مکمل تحقیقات دیکھنا چاہتے ہیں۔

سوشل میڈیا پر پابندی کے سوال پر میتھیو ملر نے کہا کہ دنیا ہم بھر میں انٹرنیٹ کی آزادی دیکھنا چاہتے ہیں۔