سوڈان میں پاک فوج کے امن دستے پر حملہ، سپاہی شہید

آئی ایس پی آر کے مطابق پاکستانی امن دستہ دو مقامی مریضوں کو اسپتال لے جا رہے تھا کہ اس دوران گھات لگائے دہشت گردوں نے قافلے پر فائرنگ کردی۔

اس حملے پر پاکستانی امن دستوں نے مؤثر جواب دیا اور عسکریت پسندوں کو پسپائی پر مجبور کر دیا تاہم فائرنگ کے تبادلے میں سپاہی محمد طارق نے جام شہادت نوش کیا جبکہ دو اہلکاروں سمیت چار افراد زخمی ہوگئے۔

آئی ا یس پی آر کا کہنا ہے کہ پاکستان کے امن دستے نے ہمیشہ اپنی پیشہ ورانہ مہارت اور فرض سے لگن کی وجہ سے خود کو ممتاز رکھا ہے، آج تک پاکستانی امن دستوں کے181 جوانوں نے دنیا بھر میں امن کے لیے اپنی جانوں کا نذرانہ پیش کیا۔