افغان ڈرائیورزکیلئے پاسپورٹ کی شرط،سیکڑوں کارگوگاڑیاں رک گئیں

تفصیلات کے مطابق پاک افغان طورخم سرحد پر کارگو گاڑیوں کے افغان ڈرائیورز کے لیے پاسپورٹ کی شرط پر عمل درآمد کا آغاز ہوگیا، پاسپورٹ نہ رکھنے والے ڈرائیورز کو پاکستان میں داخل ہونے سے روک دیا گیا۔ذرائع کے مطابق افغانستان سے پاکستان آنے والی سیکڑوں کارگو گاڑیاں طورخم بارڈر پر پھنس گئیں، افغان حکام نے بھی جواب میں پاکستانی کارگو گاڑیوں کو افغانستان داخل ہونے سے روک دیا ہے۔

کسٹم حکام کا کہنا ہے کہ طورخم سرحدی گزرگاہ پر دونوں جانب تجارتی سرگرمیاں معطل ہیں۔واضح رہے کہ پاکستانی حکام نے افغان ڈرائیورز اور مریضوں کیلئے بھی درست ویزہ پاسپورٹ کی شرط عائد کردی ہے، بغیر سفری دستاویزات کسی کو آنے جانے کی اجازت نہیں دی جائے گی جبکہ کارگو گاڑیوں کے ڈرائیورز کے لیے پاسپورٹ ویزا کی شرط پہلے سے عائد تھی۔

دوسری طرف افغان سیکیورٹی حکام نے افغان ڈرائیورز کو پاسپورٹ ویزا کی شرط سے استثنیٰ دینے کا مطالبہ کیا ہے۔پاکستانی حکام کا کہنا ہے کہ ایک ملک سے دوسرے ملک جانے کے لئے ویزہ سمیت سفری دستاویزات ناگزیرہیں، حکومت پاکستان نے ویزہ پاسپورٹ شرط میں بار بار توسیع کی،اس کے باوجود افغان حکام اس کو یکطرفہ فیصلہ سمجھ رہے ہیں۔

Hundreds of cargo trucks stopped due to passport requirement for Afghan drivers,افغان ڈرائیورزکیلئے پاسپورٹ کی شرط،سیکڑوں کارگوگاڑیاں رک گئیں