ریٹرننگ آفیسرز کی جانب سے کاغذات نامزدگی مسترد کیے جانے کے فیصلے کے خلاف اپیلیٹ ٹربیونل میں جمشید دستی کی دائر 4 اپیلیں منظور کرلی گئیں۔
ملتان میں اپیلیٹ ٹربیونل نے جمشید دستی کی دائر 4 اپیلیں منظور کرتے ہوئے انہیں الیکشن لڑنے کےلیے اہل قرار دے دیا۔
جسٹس علی ضیاء باجوہ نے جمشید دستی کی اپیلوں پر محفوظ فیصلہ سنا دیا۔
واضح رہے کہ جمشید دستی نے قومی اسمبلی کے حلقوں این اے 175، 176 کے ساتھ پنجاب اسمبلی کے دو
حلقوں پی پی 269 اور 271 سے اپیلیں دائر کر رکھی تھیں۔
جمشید دستی کی جانب سے ایڈووکیٹ رانا آصف سعید اور عامر خان بھٹہ نے دلائل پیش کیے۔
