مالدیپ نے بھارت کو فوج نکالنے کیلئے کہہ دیا، دہلی میں کھلبلی

انہوں ے یہ اعلان اپنے صدارتی منصب سنبھالنے کیلئے منعقدہ تقریب سے خطاب میں کیا اور اس کے فوراً بعد بھارت کے مرکزی وزیر کرن رجیجو کے ساتھ ملاقات کے دوران انہوں نے نئی دہلی سے اپنے فوجیوں کو مالدیپ سے واپس بلانے کی باضابطہ درخواست کی۔

مالدیپ میں ہندوستان کے صرف 70 فوجی ہیں۔ یہ فوجی اہلکار ہندوستان کے زیر انتظام ریڈار اور نگرانی کیلئے استعمال ہونے والے سرویلنس ہوائی جہاز چلاتے ہیں۔

صدارتی دفتر سے جاری ہونے والے ایک بیان کے مطابق صدر ڈاکٹر معیزو نے متعدد ہنگامی طبی انخلاء میں دو ہندوستانی ہیلی کاپٹروں کے اہم کردار کا اعتراف کیا۔ ہندوستانی فوجیوں کا یہ چھوٹا گروپ کئی سالوں سے مالدیپ میں تعینات ہے۔

قبل ازیں بھارتی وزارت خارجہ نے کہا تھا کہ مالدیپ کے ساتھ ہندوستان کا تعاون مشترکہ چیلنجوں اور ترجیحات سے مشترکہ طور پر نمٹنے پر مبنی ہے۔

وزارت نے کہا تھا کہ ہندوستان کی مدد اور پلیٹ فارم نے عوامی بہبود، انسانی امداد، آفات سے راحت اور ملک میں غیر قانونی سمندری سرگرمیوں کا مقابلہ کرنے میں اہم کردار ادا کیا ہے۔