چین،عمارت میں آگ لگنے سے 26 افراد ہلاک،51 زخمی

چین: عمارت میں آگ لگنے سے 26 افراد ہلاک، 51 زخمی
متاثرہ عمارت کوئلہ کمپنی کی ملکیت ہے جس کی چوتھی منزل پر آگ لگی، فائر بریگیڈ حکام نے کچھ گھنٹے بعد آگ پر قابو پالیا۔
چین کے شہرلولیانگ میں واقع ایک دفتر کی عمارت میں آگ لگنے کے نتیجے میں 26 افراد ہلاک اور 51 زخمی ہوگئے۔
خبر رساں ایجنسی کے مطابق متاثرہ عمارت کوئلہ کمپنی کی ملکیت ہے جس کی چوتھی منزل پر آگ لگی، فائر بریگیڈ حکام نے کچھ گھنٹے بعد آگ پر قابو پالیا۔
ریسکیو حکام کا کہنا ہے کہ عمارت میں موجود 63 افراد کو باحفاظت باہر نکالا گیا، حادثے میں 26 افراد ہلاک ہوئے، ریسکیو کی کوششیں اب بھی جاری ہیں۔
حکام کے مطابق عمارت میں لگنے والی آگ کی وجہ جاننے کیلئے تحقیقات شروع کر دی گئی ہیں۔
دوسری جانب چینی صدر شی جن پنگ نے بھی واقعہ کی شفاف تحقیقات کا حکم دیا ہے۔