خان پورمیں مسافرگاڑی کھائی میں جا گری۔ 2 مسافرجاں بحق

5 اکتوبر, 2023 11:32 شام 15 مناظر

خان پور کے نواحی گاؤں مسلم آباد کے نزدیک جامنوں والے موڑ کے قریب مسافروں سے بھری گاڑی ڈرائیور سے بے قابو ہو کر گہری کھائی جا گری، حادثے میں دو افراد جان بحق جبکہ خواتین اور بچوں سمیت گیارہ افراد زخمی ہو گئے۔

اطلاع ملتے ہی مقامی شہری فورا جائے حادثہ پر پہنچ گئے۔کھائی سے زخمی افراد کو ریسکیو کر کے پرائیویٹ گاڑیوں کے ذریعے THQ ہسپتال خانپور منتقل کیا۔ ریسکیو 1122 کی ٹیم بھی اطلاع پر جائے حادثہ کی طرف روانہ ہو گئی زخمیوں کو ابتدائی طبی امداد فراہم کی گئی اور شدید زخمیوں کو ٹراما سنٹر ہری پور منتقل کیا گیا جن میں محمد اشرف عمر 35 سال سکنہ کنیلی باغپورڈھیری اور ساجد حسین شاہ عمر 45 سال سکنہ بگراں سیداں زخموں کی تاب نہ لاتے ہوئے خالق حقیقی سے جا ملے۔

خان پورمیں مسافرگاڑی کھائی میں جا گری۔ 2 مسافرجاں بحق

Related

متعلقہ خبریں