پشاور پولیس کی بروقت کارروائی، تباہی کا بڑامنصوبہ ناکام

30 ستمبر, 2023 3:05 شام 7 مناظر

پولیس نے بروقت کارروائی کرتے ہوئے متھرا کے علاقے میں واقع کھیتوں سے 10 راکٹ گولے اور 10 آر پی جی برآمد کرلئے۔

ایس پی ورسک ارشد خان کے مطابق پشاور پولیس نے بروقت کارروائی سے تباہی کا منصوبہ ناکام بنا دیا،

اور متھرا کے علاقے سے راکٹ پروپیلڈ گرینیڈ اور آر پی جی برآمد کرلئے۔

ایس پی ورسک نے بتایا کہ پولیس نے خفیہ اطلاع پر متھرا کے علاقے میں واقع کھیتوں

میں چھپائے گئے 10 راکٹ گولے اور 10 آر پی جی برآمد کئے،

جو ممکنہ طور پر پولیس اور سیکیورٹی فورسز کو نشانہ بنانے کے لئے استعمال کیا جانا تھا۔

ایس پی ارشد خان نے مزید بتایا کہ پولیس نے اسلحہ تحویل میں لے کربی ڈی یو کو طلب کرلیا،

جب کہ اس حوالے سے مزید تحقیقات جاری ہیں۔