اضافی تکیے کےساتھ سونے کے چھ فوائد کیا ہیں؟

اضافی تکیے کے ساتھ سونے کے چھ فوائد کیا ہیں ؟

کچھ لوگوں کو عادت ہوتی ہے۔۔۔۔چار چھ تکیوں کے ساتھ سوتے ہیں۔۔۔۔بیڈ پر اکیلے ہوں گے،لیکن ارد گرد تکیے۔۔۔پہلے تو تکیہ ساتھ لے کر سونے پر امی ابا یا کسی بزرگ سے ڈانٹ پڑتی تھی۔لیکن زمانہ جدید میں ماہرین کے مطابق ایک فوم کا تکیہ گھٹنوں کے درمیان رکھ کر سونے کے کئی فائدے ہیں۔کمر درد،گھٹنوں کے درد اور پیروں کی تکلیف کے لیے خاص کر فائدہ مند ہے۔

گھٹنوں کے نیچے ایک فوم کا نرم تکیہ کئی مسائل سے بچانے میں معاون ہو سکتا ہے۔

کروٹ لیتے ہوئے اسے گھٹنوں کے درمیان رکھ لیا جائے تو یہ گھٹنوں اور جوڑوں کی تکلیف کے ساتھ ساتھ کولہوں کے درد سے بھی نجات دیتا ہے۔اور جب آپ گھٹنوں کے نیچے تکیہ رکھ کر سوتے ہیں تو یہ عمل ٹانگوں کی سطح باقی جسم سے کچھ بلند ہونے کی وجہ سے سر کی طرف خون کی گردش کو بہترکرتا ہے۔

اس عمل کے کرنے سے اعصاب پر دباؤ کم ہونے کی وجہ سے عرق النسا کے درد سے بھی افاقہ ہوتا ہے۔ایک اور دلچسپ حقیقت یہ ہے کہ اس طرح سونے سے ریڑھ کی ہڈی سیدھی رہتی ہے اور خراٹے نہیں آتے یا بہت کم آتے ہیں۔
نیند بھی پرسکون آتی ہے۔۔کیوں کہ جب آپ درد کے احساس کے ساتھ سونے کے بجائے آرام دہ حالت میں سوئیں گے تو آپ بھرپور اور پرسکون نیند کا تجربہ حاصل کر سکیں گے۔