بھارت میں بی جے پی کی مودی سرکارنےجامع مسجد دہلی سمیت مسلمانوں کی 123 املاک پرنظریں گاڑلیں جن میں قبرستان اور درگاہیں بھی شامل ہیں-
تفصیلات کے مطابق انتہا پسند مودی سرکار نے جامع مسجد دہلی سمیت مسلمانوں کی کم و بیش 123 جائیدادیں چھیننے کی تیاری شروع کردی ہے۔ جامع مسجد دہلی سمیت وقف بورڈ کی 123 جائیدادیں واپس لینے کیلئے کارروائی کا آغاز کر دیا گیا ہے۔
سرکاری ذرائع کے مطابق مودی حکومت کے ماتحت شہری ترقی کی وزارت نے وقف بورڈ کی 123 جائیدادوں کو واپس لینے کیلئے متعلقہ انتظامیہ کو نوٹس بھی جاری کردیئے ہیں۔مذکورہ املاک اور اثاثوں میں مساجد، درگاہیں اور قبرستان شامل ہیں۔یاد رہے کہ سابق بھارتی وزیر اعظم من موہن سنگھ کی حکومت نے دہلی کی 123 اہم ملکیتوں کو دہلی وقف بورڈ کے حوالے کر دیا تھا،انہی ملکیتوں کو مودی حکومت نے واپس لینے کا فیصلہ کیا ہے۔
Modi government keeping an eye on 123 Muslim properties, including Jama Masjid Delhi
