سعودی اسکالر نےیوٹیوب کی کمائی حرام قرار دے دی

سماجی رابطے کی ویب سائٹ ٹوئٹر پر  عبد المقتدر نامی صارف نے عاصم الحکیم سے سوال کیا کہ آیا یوٹیوب کی کمائی حرام ہے یا حلال؟ جس کے جواب میں اسکالر عاصم الحکیم نے لکھا کہ یو ٹیوب سے حاصل ہونے والی آمدنی حرام ہے۔

تاہم عاصم الحکیم نے یوٹیوب کی کمائی کے حرام ہونے کے حوالے سے اپنے جواب میں مزید کوئی وضاحت نہیں دی، نہ ہی کوئی مذہبی دلیل یا جواز فراہم کیا۔

دوسری طرف ان کے یوٹیوب چینل پر 4 سال قبل ان کا یوٹیوب کمائی کے حوالے سے دیا گیا بیان اب بھی موجود ہے۔جس میں انہوں نے بتایا تھا کہ آج کے معاشرے میں یوٹیوبر ہونا نوجوانوں کا بڑا مشغلہ بنتا جارہاہے،

ان کا کہنا تھا کہ اسلامی نقطہ نظر سے یوٹیوب سے کمائی کرنا حرام نہیں ہے لیکن اس کا انحصار یوٹیوبر کے مواد پر ہے جو وہ یوٹیوب پر اپلوڈ کرتا ہے،

اگر کوئی یوٹیوبر یوٹیوب پر حرام کانٹینٹ (جس میں میوزک ، خاتون ، نازیبا گفتگو، فحاشی اور بے حرمتی پر مشتمل مواد) اپلوڈ کرے

تو اس سے حاصل ہونے والی آمدنی حرام ہوگی۔