لاہور قلندرز اور پشاور زلمی کے مزید غیرملکی کھلاڑیوں نے ٹیم کیمپ جوائن کرلیا

ملتان( کوہسار نیوز) پاکستان سپر لیگ کے سیزن 8 میں شرکت کیلئے غیرملکی کھلاڑیوں کی آمد کا سلسلہ جاری ہے۔
پی ایس ایل کے آٹھویں سیزن کیلئے لاہور قلندرز کے ڈیوڈ ویسا، لیام ڈاؤسن، سکندر رضا اور شائے ہوپ نے اسکواڈ کو جوائن کرلیا ہے۔
سی او او لاہور قلندرز ثمین رانا نے غیرملکی کھلاڑیوں کا استقبال کیا، فاسٹ بولر حارث رؤف نے بھی ان کو ہوٹل میں خوش آمدید کہا۔
دوسری جانب سری لنکا کے راجا پکسے اور آسٹریلیا کے پیٹر ہیٹزوگلو کراچی پہنچ گئے،
دونوں کھلاڑیوں نے پشاور زلمی کے اسکواڈ کو جوائن کر لیا ہے جبکہ ٹام کوہلر کیڈمور پہلے ہی پشاور زلمی کو جوائن کر چکے ہیں۔
واضح رہے کہ پاکستان سپر لیگ میں پشاور زلمی پہلا میچ کل کراچی کنگز کے خلاف کھیلے گی۔