دوسری جنگ عظیم کا بم 80 سال بعد پھٹ گیا

برطانیہ( کوہسار نیوز) دوسری جنگ عظیم کا بم تقریباً 80 سال بعد برطانیہ کے گنجان آباد علاقے میں پھٹ گیا ہے ۔
غیرملکی خبر رساں ادارے ’’میل آن لائن ‘‘کے مطابق بم پھٹنے کا واقعہ برطانیہ کی نان میٹروپولیٹن کاؤنٹی نورفوک میں پیش آیا ہے، جبکہ نورفوک پولیس نے واقعہ کی تصدیق بھی کر دی ہے ۔
رپورٹ کے مطابق دھماکے کی ویڈیو بھی منظر عام پر آ گئی ہے جس میں دیکھا جا سکتا ہے کہ ایک خوفناک دھماکہ ہوتا ہے اور اس کےبعد گرد کا ایک طوفان اٹھتا ہے اور دور تک پھیل جاتا ہے، یہ بم گزشتہ شام 5بجے کے قریب گریٹ یارمتھ نامی ٹاؤن میں پھٹا، بم کے دھماکے سے پورا ٹاؤن گونج اٹھا اور دھوئیں کا ایک بادل شہر پر منڈلانے لگا، جیک اونیٹ نامی شہری، جس کا گھر بم پھٹنے کی جگہ کے بالکل قریب تھا، نے بتایا کہ بم پھٹنے کی خوفناک آواز تھی، جس سے علاقے کاہر شخص خوفزدہ ہو گیا۔