سندھی نظم ۔۔۔۔ "الیکشن”

بہوں الیکشن ہوئے
میں تے مہاڑے پیو، دادے
اکھیں اپر کالیاں پٹیاں بہنی بہنی ووٹاں باہیاں
کئی سرکاراں آئیاں، گیئاں
بہوں وزیراں ای میں تے مہاڑے پیو دادے
ہتھ ہلائی تے سلامی دتی
کتنے وزیراں نے بتاں وچ ساہ پہرنے تائیں
نعرے ماری ماری تے اساں جانیں دتیاں
ٹری ٹری تے جلوساں نے وچ پیر یے رہی گئے
ماری ماری تاڑیاں ساہڑے ہتھ یے جیئاں
پتھر ہوئی گئے

لیکن "مہڑیا پترا”۔۔۔
ساہڑے گراں ناں راہ کل وی کچا سا
اج وی کچا
کل نے آرا ساہڑی حیاتی
اج وی ڈنگراں آرا  یے  ای۔۔۔

پہاڑی ترجمہ  : راشد عباسی