شام، ملبے تلے دبی خاتون بچے کو جنم دے کر چل بسی

شام اور ترکی میں قیامت خیز زلزلے کے بعد زندگی اور موت کے گرد گھومتے دلخراش واقعات نے دنیا کو رلا دیا،

ایک دردناک واقعہ شام کے شہر حلب میں پیش آیا جہاں ملبے تلے پھنسی ایک خاتون نے بچے کو جنم دیا۔

ریسکیو کی کوششوں میں مصروف اہلکار نومولود کو ملبے سے نکالنے میں کامیاب ہوئے اور طبی امداد کیلئے بھاگے،

لیکن افسوس کہ بچے کی ماں کو نہ بچایا جاسکا۔

سوشل میڈیا پر دلوں کو چیرتے مناظر جس نے دیکھے دل تھام کر رہ گیا،

زلزلے سے پیدا شدہ صورتحال کے سبب لوگ دل تھام کر بیٹھ گئے ہیں

اور اپنے پیاروں کو آوازیں دیتے رہ گئے

۔واضح رہے کہ ترکیے میں 12 ہزار سے زائد افراد کو زندہ نکال لیا گیا،

جبکہ وہاں 1 کروڑ 30 لاکھ سے زیادہ افراد متاثر ہوئے ہیں۔