راکھی ساونت کی شادی معمہ بن گئی

اداکارہ کا کہنا ہے کہ ان دونوں کے درمیان یہ طے پایا تھا کہ شادی کے بعد ایک سال تک اس کا اعلان نہیں کیا جائے گا۔ بھارتی ٹی وی کو انٹرویو دیتے ہوئے راکھی ساونت کہا کہ اس معاہدے پر پابندی بھی کی مگر پھر "بگ بوس” میں کچھ ایسے معاملات پیش آئے کہ مجھے یہ اعلان کرنا پڑا۔ اس سوال پر کہ آپ کے شوہر عادل تو اس حوالے سے تصدیق کے لیے تیار نہیں ہیں ۔ راکھی ساونت نے روتے ہوئے کہا کہ میں حیران ہوں کہ عادل ایسا کیوں کر رہا ہے میں نے اس کی خاطر دھرم چھوڑ دیا اور مسلمان ہوگئی، اپنا نام فاطمہ رکھ دیا۔ میری ماں اسپتال میں کینسر سے لڑ رہی ہے ،سمجھ نہیں آرہی میں کہاں جاؤں میرے ساتھ ایسا کیوں ہو رہا ہے؟ اس سوال پر کہ عادل اور آپ الگ الگ رہتے ہیں ؟ راکھی ساونت نے حیرت انگیز طور پر یہ جواب دیا کہ نہیں ہم دونوں ساتھ ہی رہتے ہیں۔ تاہم اس کے ساتھ ہی ایک بار پھر انہوں نے رونا شروع کردیا۔ ان کا کہنا تھا کہ میں عادل سے محبت کرتی ہوں اور وہ بھی مجھ سے بہت پیار کرتا ہے لیکن میرا خیال ہے کہ اس پر خاندان والوں کا دباؤ ہے۔
واضح رہے کہ بالی ووڈ اداکارہ کی ایک ویڈیو سوشل میڈیا پر وائرل ہوئی ہے جس میں نکاح خواں انہیں کلمہ شہادت پڑھا رہے ہیں۔اس کے ساتھ ایک تصویر بھی شیئر کی گئی ہے جس میں دونوں میاں بیوی نکاح نامہ تھامے کھڑے ہیں اور اس پر راکھی ساونت کا نام فاطمہ لکھا ہوا ہے۔
گزشتہ روز راکھی نے سوشل میڈیا پر اپنی تصاویر شیئر کرتے ہوئے ساتھ لکھا تھا کہ میں بہت خوش اور پرجوش ہوں آخرکار میں نے اپنی محبت سے شادی کرلی۔