اسلام آباد(کوہسار نیوز)پاکستان سپر لیگ (پی ایس ایل) کے پانچویں ایڈیشن میں کروڑوں روپے کی مبینہ مالی بے ضابطگیوں کا انکشاف ہوا ہے۔
عمران خان کے دور حکومت میں پاکستان کرکٹ بورڈ (پی سی بی) اور پی ایس ایل 5 میں مبینہ طور پر بے ضابطگیاں ہوئیں۔ آڈیٹر جنرل نے قواعد کے خلاف مختلف کمپنیوں کو پیشگی ادائیگوں پر اعتراضات لگادیے۔
پی ایس ایل کی افتتاحی تقریب میں 241 ملین روپے اڑائے گئے۔پی سی بی نے وینڈر سے بینک گارنٹی حاصل کیے بغیر ہی پیشگی ادائیگیاں کیں۔
انکشاف ہو اہے کہ پی ایس ایل 5 کےلیے خلاف ضابطہ، رابطہ اور پروٹوکول آفیسر کی تقرری کی گئی۔
دستاویز کے مطابق میرٹ کے خلاف 61 ملین کے گرافک اور ٹرک برینڈنگ رائٹس دیے گئے۔
پی ایس ایل 5 میں کروڑوں کی مبینہ بے ضابطگیوں کا انکشاف
