فیفا ورلڈ کپ-کروشیا نے مراکش کو ہرا کر تیسری پوزیشن حاصل کر لی

قطر میں کھیلے جانے والے فیفا ورلڈ کپ 2022 کے تیسری پوزیشن کے لیے کھیلے گئے میچ میں کروشیا نے مراکش کو 1 کے مقابلے میں 2 گول سے ہرا دیا۔

مراکش نے وسائل نہ ہونے کے باوجود ورلڈ کپ کے لیے بہترین ٹیم تیار کر کے اور سیمی فائنل تک رسائی حاصل کر کے دنیا کو ورطہ حیرت میں ڈال دیا۔ مسلمان ملکوں میں سعودی عرب کے "الھلال” جیسے کلب بھی موجود ہیں جن کے اخراجات ہوش ربا حد تک زیادہ ہیں۔ لیکن وہ کوارٹر فائنل تک بھی رسائی کے متحمل نہیں ہو سکے۔

مراکش کے کچھ اہم کھلاڑی سیمی فائنل سے پہلے ان فٹ ہو گئے تھے جس کی وجہ سی مراکشی ٹیم کی کارکردگی بری طرح متاثر ہوئی۔

تیسری پوزیشن کے میچ کے آغاز میں ہی کروشیا کی جانب سے جوسکو گویرڈیول نے ساتویں منٹ میں گول کر دیا۔ لیکن صرف دو منٹ بعد مراکش کے اشرف داری نے گول کر کے میچ ایک ایک گول سے برابر کر دیا‌۔

42 ویں منٹ میں مِسلاف اورسِچ نے دوسرا گول کر کے کروشیا کو پھر برتری دلا دی۔  جو میچ کے اختتام تک برقرار رہی۔