فیفا ورلڈ کپ – دفاعی چیمپئن فرانس اور مراکش آج رات مد مقابل ہوں گے

قطر میں جاری فیفا ورلڈ کپ کا دوسرا سیمی فائنل آج رات 12 بجے دفاعی چیمپئن فرانس اور دنیا کو ورطہ حیرت میں ڈال کر سیمی فائنل میں پہنچنے والے مراکش کے درمیان کھیلا جائے گا۔

فٹ بال کے شائقین کو مراکش سے بہت سخت مقابلے کی امید ہے لیکن کروشیا کی شکست کو سامنے رکھتے ہوئے یہ کہا جا سکتا ہے کہ فرانس جیسی مضبوط ٹیم کے ساتھ مقابلہ مراکش کے کم تجربہ کار کھلاڑیوں کے لیے کار سہل نہ ہو گا۔

دوسرا سیمی فائنل جیتنے والی ٹیم اتوار کو فائنل میں ارجنٹائن کے مد مقابل ہو گی۔