حارث رؤف انگلینڈ کے خلاف ٹیسٹ سیریز سے باہر

پاکستان کرکٹ بورڈ (پی سی بی) کے مطابق حارث رؤف کو ٹانگ کی دائیں جانب دباؤ محسوس ہو رہا ہے۔ راولپنڈی ٹیسٹ میچ کے پہلے روز حارث رؤف کے ایم آر آئی سکین کیے گئے تھے۔

پی سی بی کے مطابق حارث رؤف جلد لاہور میں ری ہیب پروگرام شروع کریں گے۔

راولپنڈی ٹیسٹ: انگلینڈ کےہاتھوں پاکستان کو 74 رنز سے شکست
قومی ٹیم کے فاسٹ بولر حارث رؤف انگلینڈ کے خلاف پنڈی ٹیسٹ کے پہلے روز فیلڈنگ کرتے ہوئے گر گئے تھے۔
انھوں نے ٹانگ میں کھچاؤ کے باعث انگلینڈ کے خلاف پنڈی ٹیسٹ کے دوسرے روز بولنگ بھی نہیں کی تھی۔

واضح رہے کہ انگلینڈ نے 22 سال بعد پاکستان کو اسی کی سر زمین پر راولپنڈی میں کھیلے گئے پہلے ٹیسٹ میچ میں 74 رنز سے شکست دی تھی۔ یوں تین میچوں کی سیریز میں اسے 0-1 کی برتری حاصل ہو گئی ہے ۔ سیریز کا دوسرا ٹیسٹ میچ 9 سے 13 دسمبر تک ملتان میں کھیلا جائے گا۔ جب کہ تیسرا اور آخری میچ کراچی میں 17 سے 21 دسمبر تک شیڈول ہے۔

پاکستان کرکٹ بورڈ (پی سی بی) جلد ہی زخمی کھلاڑی کے متبادل کے بارے میں باضابطہ اعلان کرے گا۔ فہیم اشرف اور محمد نواز دونوں ٹیم کا حصہ ہیں۔  ملتان ٹیسٹ کے لیے ان میں سے ایک حارث کا ممکنہ متبادل ہو سکتا ہے۔