پاکستان ضرور فائنل میں کامیابی حاصل کرلے گا، عمر اکمل

لاہور(کوہسار نیوز)ٹیسٹ کرکٹر عمر اکمل کا کہنا ہے کہ پاکستان کرکٹ ٹیم انگلینڈ کو شکست دینے کی صلاحیت رکھتی ہے۔
عمر اکمل نے کہا ہے کہ جس طرح قومی ٹیم نے سیمی فائنل میں فتح حاصل کی تھی ویسے ہی کھیلی تو پاکستان ضرور فائنل میں کامیابی حاصل کرلے گا۔
انہوں نے کہا کہ میرا کام کرکٹ کھیلنا اور اپنی بہترین پرفارمنس دینا ہے جو کہ میں دے رہا ہوں۔
عمر اکمل نے کہا کہ خواہش ہے کہ گریڈ ون میں اچھا پرفارم کر کے سلیکٹرز کی توجہ حاصل کروں۔
عمر اکمل ان دنوں پاکستان کرکٹ بورڈ ایسوسی ایشن چیمپئن شپ میں گریڈ ٹو کرکٹ کھیل رہے ہیں، وہ سینٹرل پنجاب سیکنڈ الیون کی نمائندگی کررہے ہیں۔