سلطان اذلان شاہ ہاکی کپ کیلئے قومی ٹیم کا اعلان کردیا گیا

اسلام آباد(کوہسار)سلطان اذلان شاہ ہاکی کپ کےلیے پاکستان ہاکی ٹیم کا اعلان کردیا گیا ہے، عمر بھٹہ قیادت کریں گے۔
پاکستان کے 18 رکنی اسکواڈ میں عبداللّٰہ اشتیاق، اکمل حسین، محمد عبداللّٰہ، سفیان، ارباز احمد عقیل، احتشام، مرتضیٰ یعقوب، رانا عبدالوحید شامل ہیں۔
رومان خان، حنان شاہد، جنید منظور، ارشد لیاقت، افراز، شاہزیب خان، اسامہ بشیر، ایم عمران بھی 18 کھلاڑیوں کی فہرست میں شامل ہیں۔
خیال رہے کہ سلطان اذلان شاہ ہاکی کپ ملائیشیا میں یکم تا 10 نومبر تک کھیلا جائے گا۔
ایونٹ میں ملائیشیا، پاکستان، جاپان، کوریا، جنوبی افریقہ اور مصر شامل ہیں۔