طالبان کا زلزلہ زدہ افغانستان کی مدد کرنے پر پاکستان سے اظہارِتشکر

کابل: طالبان کی حکومت نے پاکستان، متحدہ عرب امارات، بھارت اور دیگر دوست ممالک اور امدادی تنظیموں کا حالیہ مہلک زلزلے سے متاثرہ افغانستان کے لوگوں کی مدد کرنے پر شکریہ ادا کیا ہے۔
طالبان کے وزیر داخلہ سراج الدین حقانی نے کہا کہ زلزلے، سمندری طوفان، سیلاب اور دیگر قدرتی آفات اللہ تعالیٰ کی طرف سے امتحان ہیں، ہم بھی ماضی کی دیگر مشکلات کی طرح اس آزمائش کو برداشت کر رہے ہیں۔
انہوں نے مزید کہا کہ ہم صبر سے کام لیتے ہیں اور اپنے لوگوں کے ساتھ کھڑے ہیں، ہم ان لوگوں کو ہمیشہ یاد رکھیں گے جنہوں نے مشکل وقت میں ہماری مدد کی۔