آزاد کشمیر کابینہ میں دو وزراءکو اضافی وزارتیں سونپ دی گئیں
آزاد کشمیر کی کابینہ میں شامل دو وزراء کو اضافی وزارتوں کے چارج تفویض کر دیے گئے ہیں۔ وزیر اعظم آزاد کشمیر نے رفیق نیئر کو وزیر اطلاعات کا اضافی قلمدان سونپا۔ رفیق نیئر اس سے قبل وزیر مذہبی امور و اوقاف کے فرائض انجام دے رہے تھے۔
اسی طرح، فہیم اختر ربانی کو معدنی وسائل کی وزارت کا اضافی چارج دیا گیا ہے۔ ان وزارتوں کا پہلے چارج وزیر اعظم فیصل ممتاز راٹھور کے پاس تھا۔
وزیر اعظم کی منظوری کے بعد وزارتوں کے باقاعدہ نوٹیفکیشن جاری کر دیے گئے، جو ڈپٹی سیکرٹری سروسز کی جانب سے جاری کیے گئے ہیں۔
