سردار میر اکبر خان کی مسلم لیگ ن میں شمولیت کاامکان بڑھ گیا

ذرائع کے مطابق انہوں نے پارٹی قیادت سے ملاقات کی جس کے بعد مسلم لیگ ن کی مرکزی کمیٹی نے ان کی شمولیت کے لیے منظوری بھی دے دی ہے۔

ذرائع کا کہنا ہے کہ شاہ غلام قادر کی قیادت میں اعلیٰ سطحی وفد نے سردار میر اکبر خان سے ملاقات کی۔ اس موقع پر انہوں نے مشاورت کے بعد جلد حتمی اعلان کرنے کی یقین دہانی کرائی۔

ملاقات کے دوران سردار میر اکبر خان کا کہنا تھا کہ وہ فکری اور نظریاتی طور پر مسلم لیگ ن کے قائد میاں محمد شریف کے قریب ہیں، اور یہ کہ مسلم لیگ ن نے پاکستان اور آزاد کشمیر کے عوام کی حقیقی خدمت کی ہے۔ ان کے مطابق وزیراعظم شہباز شریف اور آرمی چیف جنرل عاصم منیر ملک کے مسائل کے حل کے لیے سنجیدہ کوششیں کر رہے ہیں۔

ن لیگی ذرائع کا کہنا ہے کہ سردار میر اکبر خان اور ان کے ساتھی جلد مسلم لیگ ن میں شمولیت اختیار کرکے سیاسی سرگرمیوں کا باقاعدہ آغاز کریں گے۔

—