بھارت نے بنگلا دیش کو 50 رنز سے شکست دے دی

ٹی 20 ورلڈ کپ کے سپرایٹ مرحلے میں بھارت نے بنگلا دیش کو 50 رنز سے شکست دے دی۔

سر ویوین رچرڈز اسٹیڈیم انٹیگوا میں کھیلے گئے میچ میں بنگلادیش نے بھارت کیخلاف ٹاس جیت کر فیلڈنگ کرنے کا فیصلہ کیا تھا۔

بھارت نے پہلے بیٹنگ کرتے ہوئے مقررہ 20 اوورز میں 5 وکٹوں کے نقصان پر 196 رنز بنائے، ہاردک پانڈیا نے 50 رنز کی ناقابل شکست اننگز کھیلی۔

ویرات کوہلی 37، رشب پنت 36، شیوم دوبے 34 اور روہت شرما 23 رنز بناکر آؤٹ ہوئے، سوریا کمار یادو 6 رنز بناسکے جبکہ اکشر پٹیل 3 رنز کے ساتھ ناٹ آؤٹ رہے۔

بنگلا دیش کی طرف سے تنظیم حسن ثاقب اور رشاد حسین نے 2،2 جبکہ شکیب الحسن نے ایک وکٹ حاصل کی۔

197 رنز کے ہدف کے تعاقب میں بنگلا دیش کی ٹیم مقررہ 20 اوورز میں صرف 146 رنز بنا سکی اور اس کے 8 کھلاڑی آؤٹ ہوئے، نجم الحسین 40، تنزید حسن 229 اور رشاد حسین 24 رنز بنا کر نمایاں رہے۔

بھارت کی جانب سے کلدیپ یادو نے 3، ارشدیپ سنگھ اور جسپریت بمرا نے 2، 2 جبکہ ہاردک پانڈیا نے ایک وکٹ حاصل کی۔