آئی سی سی ٹی ٹوئنٹی ورلڈکپ 2024 کے چوتھے میچ میں سری لنکا نے جنوبی افریقہ کو جیت کےلیے 78 رنز کا ہدف دے دیا۔
نیویارک میں کھیلے جارہے اس میچ میں سری لنکا نے ٹاس جیت کر پہلے بیٹنگ کرنے کا فیصلہ کیا۔
جنوبی افریقہ کی خطرناک بولنگ اور عمدہ فیلڈنگ کے سامنے سری لنکن بیٹرز کی ایک نہ چلی اور پوری ٹیم آخری اوور میں 77 رنز پر آل آؤٹ ہوگئی۔
سری لنکا کے کوشل مینڈس 19 رنز بنا کر ٹاپ اسکورر رہے۔ اینجیلو میتھیوس نے 16 اور کمنڈو مینڈس نے 11 رنز کی اننگز کھیلیں جبکہ کوئی اور کھلاڑی دہرے ہندسے تک بھی نہ پہنچ سکا۔
جنوبی افریقہ کے اینرک نورکیا نے تباہ کن بولنگ کا مظاہرہ کرتے ہوئے 4 اوور کے کوٹہ میں 7 رنز دے کر 4 وکٹیں حاصل کرلیں۔ انکے علاوہ کیشو مہاراج اور کگیسو رباڈا نے دو دو جبکہ اوٹنیل بارٹمین نے ایک وکٹ لی۔
